مقلط رشيد الحوطي

وانا صغير كنا ساكنين في حي شعبي يوم صار عمري تقريبا 10 سنين نقلنا لحي النسيم شرق الرياض طبعا معروف هالحي اغلبه بدو 
( والله والنعم فيهم لاحد يفهمني غلط ياحبيلهم الانقليز  )

المهم عيال البدو عندهم جرأه ويحبون المشاكل بدرجه كبيره وخصوصا المضاربات انا طبعا جاي من حي اغلب سكانه من اهل الرياض ولا من الخرج ولا دواسر وعيالهم يحبون يتعرفون على بعض يعني يلعبون كوره ويكونون صداقات بريئه وانا مو متعود على المشاكل والطقاق ومن اول يوم سكنا فيه طلعت الشارع لقيت بزران يلعبون كوره جيت وقفت اتفرج عليهم طالعوني وتركو الكوره وجو كلهم يمي قلت اكيد يبوني العب معهم << قمة البرائه  مادريت الا لعنو جدفي وطقوني انا انحشت لين البيت  قعدت اسبوع ماطلع من البيت الا للمدرسه وبعدها عاد تعرفت عليهم وصارو اصققاي  طبعا المدرسه شي ثاني  من اول يوم دراسي جنبي بزر بدوي ناظرني بعين قويه ولا سلام ولا كلام قال لي ( انت وش انت ؟ وش ترجع ) يعني تحس انك في جمارك ويطلبون بطاقة الاحوال لو مامعك ماتصير آدمي كل همه انت وش اصلك