مقلط رشيد الحوطي

دخلت اليوم مطعم واجلس بجنب ثنين شباب جابو الاكل لهم شوي قام واحد منهم لابس طاقيه ونظاره من ام عشره  اللي تلقاها غالبا في البقالات على طريق الخرج المهم قام وقال ياخي ماتسألون وش اشرب ببسي ولا سفن اب بس تجيبون بدون ماتسالون ازعج اؤم المطعم كله قال صاحب المطعم ابشر ابشر ولا يهمك شوي قام ثانيه قال اظاهر الملح اللي عندكم كله خلص يعني قصده الاكل مالح بزياده وقضوه بالاكل وانا اطالع فيه وودي احتسي بس منيب رايق يحمد ربه منيب رايق ولا كان ودي اقول ياخوي صجيتنا انت وطاقيتك ذي

واحيانا تلقى واحد يكلم بالجوال وكل اللي بالمطعم عرفو وش اسم زوجته وعرفو وش يقول وقصة حياته صوته واصل آخر الشارع وهو يحتسي وبعض الشباب اذا لحاله في مطعم تلقاه ملوبد ومايرفع برطم عن برطم  بس لا صار معه شله تسمع انواع الضحك يعني شوفوني تراني قوي ومحد يهمني

 سبحان الله 

ومره قعدو جنبي ثنين بنقاليه وطول قعدتهم واحد مستلم الجلسه ( ميري مرتي كرتا هي زندقي مهبد مرق مدري شوربه ... ) والثاني بس يقول آء آء آء يعني يثبت والثاني يشوت تفخو راسي بالقرقه وانا ماسك اعصابي يوم خلصت وقفت عند روسهم وقلت ( قرقر قرقر قرقر ) انت وياه جايين تاكلون ولا تصجونا ؟؟