مقلط رشيد الحوطي

على طاري النسيان اتذكر سالفه مضحكه صارت لي
مره عزمني واحد من الربع على زواج لهم في استراحه المهم رحت والقا عالم وسيارات طبعا خويي دوسري والدواسر يالبى قلبهم عروسهم كنك رايح الحج  اللي في الرياض واللي في الوادي واللي في الأفلاج حتى دواسر فرنسا جايين
المهم من زحمة السيارات وقفت بعيد تعشينا والله وجابو الطيران = الطبول وقامو يلعبون سامري الين الفجر طلعت من العرس طبعا اغلب الناس راحت وانا موقف بعيد مشيت رايح لسيارتي يوم وصلت مالقيتها  ادور يمين يسار ماشوفها قلت بس انسرقت واتصل على واحد من اخوياي في العرس قلت تعال سيارتي انسرقت
جاني ومعه واحد من اخويانا وهالثنين بالذات يحبون يضحكون على خلق الله قلت بسرعه اقرب قسم شرطه ابلغ وهم ساكتين متأثرين من الموقف لفينا مع شارع الا اشوف سياره تشبه سيارتي  قلت وقف وقف ( طبعا انا ناسي وين موقف ورحت مكان ثاني ضيعت وين موقف  ) قامو اخوياي يضحكون علي وانا اقول خلاااااص لا تضحكون علي طاح وجهي من الفشيله