مقلط رشيد الحوطي

زمان سافرت انا وثنين من اخوياي الشرقيه كان ليلة عيد الفطر مشينا تقريبا بعد الفجر المهم تعرفون الواحد مواصل وما نام وصلنا الشرقيه طبعا الصباح والمهم ندور فندق ولا شقه مفروشه نسكن فيها مالقينا زحمه تعرفون عيد وندور في هالشموس لحد ماطحنا في فندق يمشي الحال حنا بس نبي نرتاح وننام دخلنا الغرفه وطراااخ على السرير نومه قمنا قبل العصر وطاقنا الجوع ( رح يافلان جب غداء لا رح انت وكل واحد يقول للثاني ) انا جوعي حااار ماعرف احتسي ولا اتفاهم وانا جوعاان بالاخير قلت طيب بروح بس وين المطعم قالي واحد من اخوياي لا تروح على السياره ترا فيه مطعم قريب رح على رجولك ووصفلي المطعم طلعت وامشي على وصفه مالقيت شئ واقعد ادور ومشيت مسافه ماهي بسيطه هلكت من التعب والجوع وامشي وامشي وامشي بالاخير لقيت مطعم من اللوحه حقته عرفت انه مطعم هنود قلت الشكوى لله العوض ولا القطيعه واخذ كبسة رز مع دجاج << كنه جاع وهويسولف
المهم وارجع كل المسافه اللي مشيتها من جد مسافه طويله بغيت اقعد على الرصيف وااكل واخليهم وانا حاقد على خويي الزبده وصلت دخلت ماقلت ولا كلمه وهم ميتين ضحك عرفت انهم قاصدينها فيني وانا على نياتي بس منيب يمهم فرشت السفره باكل تتوقعون وش صار بالاخير ؟؟

طلع الرز بدون ملح ولا حتى زيت اكل هنود الله ياخذهم