مقلط رشيد الحوطي

قبل كم سنه كنا ساكنين في بيت وكنت دايم اجلس في الملحق ويجتمعون عندي بعض الزملاء نلعب ورقه ولا نسولف ولا نتفرج على الدش مقابل بيتنا ساكن امام المسجد والله انه طيب وحبوب بس مشكلته ومشكلة كثير من الملتزمين فيهم شوي لقافه يطبون على الواحد بدون موعد ولا سابق انذار اذا جاه احد جابه عندي في الملحق طبعا الملحق طفايات دخان وستلايت وكمبيوتر يعني انواع المحرمات ههههههه كنت اتورط فيهم لا جابهم احيانا يجون مشايخه وانحرج مدري اوزي الطفايات ولا اصك التلفزيون ولا اقفل الشات بالكمبيوتر بعدين يطبون على غفله مايمديك ترقع هههههههههاااااي طبعا هو يجيبهم عندي قصده يبيلي الهدايه وغير كذا هو يقولي الملحق حقك وسيع صدر وينبسط لا قعد فيه في يوم طق الباب وافتح قال معي شيخ جاي من القصيم انا غمزت له يعني لا توهقني وهو فيه عياره الامام شوي قال ماعليك بيجي بعد شوي واحد يكملنا رابع بلوت قلطتهم بس هالمره ماسويت شي لا شلت طفايه ولا صكيت تلفزيون خليتهم ورحت اجيب قهوه وشاهي يوم رجعت والقى الشباب متابعين التلفزيون ومندمجين ههههههههههههههههههاااااااي واصب قهوه وهم مهب يمي متابعين فلم امريكي في ام بي سي تو طبعا العاده واحد يتكلم ويقول اللي عنده من نصيحه ولا موضوع فيه موعظه هالمره لا قامو يسولفون عن الامريكان وافلامهم بغيت امد لهم بكت الدخان واقول مساء الخير ههههههههههههاااااي والله مشكله هالمطاوعه يطبون على الواحد على حين غره بس والله قعدتهم زينه